政情：醫局又擺烏龍 官員捱鬧面懵

根據醫管局尋日最新發放嘅更正資料，1月30日急症室首次求診人次達3,714人，屯門醫院的求診人次最高，達301人。9間公立醫院嘅內科住院病床爆煲，當中明愛醫院嘅使用率最高，去到成115%，其次分別係天水圍醫院及屯門醫院，分別達112%及108%。

令醫護混淆 搵病人健康較飛

至於前日（1月31日）嘅數據，急症室首次求診人次為3,646人，當中聯合醫院嘅求診人次最高，達299人。9間公立醫院嘅內科住院病床同樣爆煲，當中天水圍醫院嘅使用率最高，達119%，其次是明愛醫院，達117%。

針對今次「擺烏龍」事件，立法會衞生事務委員會主席葛珮帆話每日都有大量市民依賴醫院管理局嘅醫療服務，所以可靠度非常重要。佢話今次數據嘅差錯令大眾好憂慮，最驚嘅喺急症室服務同住院病床使用率嘅數據出錯之外，醫管局仲有其他錯誤嘛，唔單止會令醫護人員工作混亂，更有機會危害病人嘅健康。佢促請醫院管理局盡快檢視內部系統，搵出問題，唔好再犯同樣嘅錯誤喇！

誤發檢疫結果 亂傳測試短訊

其實系統出錯早有前科，好似喺舊年11月底，醫管局新冠病毒測試短訊通知系統出錯，有6宗個案嘅測試結果係染疫，但系統錯誤將其他人嘅冇染疫結果透過短訊通知有關病人，醫管局要向受影響嘅市民致歉，同埋將事件通報個人資料私隱專員公署。

另一單「烏龍」事件，就係舊年8月曾因電腦系統出錯，嗰日下晝進行自動發出電話短訊嘅系統測試時，錯誤向大約3,000個電話號碼發出測試短訊，估計有關短訊已發送至超過1,500個電話號碼，短訊內容涉及通知病人其內科覆診日期已被取消。

唔同系統都曾經出錯，醫管局行政總裁高拔陞冇得甩身喇！