政情：廠商會冀再推保就業 支援特定工種
新一份財政預算案會喺本月24日公布，香港中華廠商聯合會（廠商會）尋日提出對財政預算案嘅多項建議。會長史立德預料2021年本港嘅貨物出口貿易將錄得5%增長，而GDP增長率則約為3至4%，希望港府可以支援工業同中小企，對特定行業例如旅遊及餐飲業推行第3輪保就業資助，畀部分停業已久嘅行業有條件復業。
提議工展會分拆18區舉行
對於美國早前規定所有香港出口至美國嘅產品唔可以標記「香港製造」，史批評美方唔合理，指一直對香港製造引以為榮，特別係香港製造的食品工業好受國內人士歡迎。
至於原定於上年12月嘅工展會取消，史希望農曆新年後可再探討重新舉辦嘅機會，或者將工展會分拆至18區各區內舉行，化整為零喎。