政情：體育發展流於盛事 何君堯倡運動生活化

何君堯喺會上分享自己尋晚睇咗個日本嘅紀錄片，片中當地男子因為擔心另一半夜晚返屋企唔安全，所以組織跑步隊圍繞着社區巡邏，一方面改善治安，又可以同時強身健體。

助青年釋放精力

何就覺得香港嘅體育活動太盛事化，建議政府可以將運動生活化，等青年人可以釋放精力。徐英偉聽完之後讚何君堯嘅意見好有創意，話何不嬲都咁有創意，證明創新無分年紀，唔係只限於青年人嘅，又指政府會跨部門合作，加強體育發展咁話。