政情：公民講場：零售業年關難過 邱騰華翹埋雙手

疫情爆發一年，重創本港嘅經濟，其中一個重災區係零售業，銷售貨額已不斷下跌，更有業界表明未必捱得到農曆新年，即係話就嚟會執笠，亦會有大批員工失業。老實講，政府話唔會再推保就業計劃，業界已預料好快出現倒閉潮，但政府又唔肯搞失業援助金，咁叫班失業市民點算好？咁商務及經濟發展局局長邱騰華就要諗辦法保住啲中小企，先可以保住員工嘅飯碗，唔係翹埋雙手唔做嘢，任由啲中小企自生自滅啩？咁民怨肯定會大爆發。