政情：政黨促動用外匯基金回報推保就業
新一份《財政預算案》喺下月底出爐，外界關注政府喺疫情衝擊下能否提供有力措施紓解民困。自由黨尋日向財政司司長陳茂波提交26項建議，包括促政府動用外匯基金投資回報中的2,000億港元推行保就業計劃，又建議政府派發電子消費券提振市道。
該黨黨魁鍾國斌話政府多次話財政儲備只剩8,000億元難以再派錢，但外匯基金已累積逾4.4萬億元，當中有逾8,000億元更加係投資或利息回報，呼籲政府動用投資回報中嘅2,000億元，推行新一輪防疫抗疫措施或財政預算案部分政策。
航運交通界議員易志明希望政府推出新一期涉400億元嘅保就業計劃，而政府應吸取過去經驗更精準協助有需要行業，又話跨境運輸行業已停擺近11個月，建議政府為跨境巴士同渡輪提供「復業」津貼，讓業界有資金作維修保養。批發及零售界議員邵家輝話市民將現金用喺購買防疫用品，提振市道作用有限，建議政府分開數月向市民派發設有使用期限同金額不大嘅電子消費券，以鼓勵本地消費。
籲派發消費券及免租
喺租金支援方面，該黨主席、飲食界議員張宇人建議推行「2＋2」免租方案，由政府訂立緊急規例立法規定業主在指定時間內免租，並提出應寬免全年住宅同非住宅物業的差餉及地租，並將上限分別增至每季萬元。