介面內容大改革 無敵睇驗新風格

做人要知足,工作冇滿足!呢,一秒通全球華人嘅《on.cc東網》一直努力不懈、精益求精,做到版面sharp醒,做嘢永冇滿足!讀者幾時上東網,不但知天下,更快靚正盡享全球各類豐富資訊,為香港人抗疫生活打打氣,加加油!真係溫暖全球東網粉絲心!總之,東網不斷革新,讀者想睇乜就畀乜!

嗱!除咗東網革新整合版面,做到簡而清,務求活潑讀者心和眼,功夫茶亦忍唔住想先提醒吓長期追捧《東方日報》嘅粉絲,依家增加二維碼(QR Code)「睇片」功能,不論新聞時事、兩岸國際、娛樂頭條,只要報紙內容旁邊有QR Code,就可以用手機內嘅內置相機功能掃描,立即連接東網收看更詳細嘅內容,以及原汁原味嘅新聞片段,過癮之至,要言之,一片勝千言,正過食榴槤!

返回東網,讀者必定有多多驚喜發現!東網將「亞歐非」及「美洲」合併為「國際」版面,一Click即可一次過飽覽世界大事,讀者足不出戶而可掌握全球局勢,誠一樂也!咪睇小呢個介面小變化,好多嘢並非靠多為勝,能芟除才有凸顯,有割捨始見真章;「昨夜數枝開」如改作「昨夜一枝開」係唔係更聚焦吸睛呢?

呢,《繽FUN星網》呢個一站式娛樂、消閒資訊平台,好評如潮,今特別加設「推薦頻道」,涵蓋王牌節目如「潮玩科技」、「畀條山路我行」、「金鈴12星」等,讀者可以揀選進入心水頻道,輕易重溫精彩節目;「繽FUN主播室」緊貼娛圈大事、潮流焦點,大受歡迎,今強勢添食,由一日一節增至一日兩節,滿足讀者要求。「醫健」會邀請醫生專家分享醫學及健康資訊,要活得健康輕鬆,你又點可以錯過呢!仲有體育平台「睇體」亦全面整合為「體波」,波迷可盡覽中外體壇第一手消息,不論賽程積分、名家貼士、賠率派彩等永無走漏。好波獻給你!咪心邪,功夫茶要話畀波迷知,東網已取得新一季港超聯嘅播映權,睇好波吖!上東網啦!

「有東方,冇窮人」,「馬經」版又點會唔改革幫讀者洞悉先機呢?最新加入「新聞走馬燈」,新增快捷鍵功能,涵蓋「數據王」、「騎師王」等版面,令馬迷掌握贏錢之道!「產經」版緊貼大市,資訊分門別類助讀者快速篩選,充分發揮時間即金錢之道。

至於評論節目「東網視頻」,除了不時添加嶄新器材令視像更清銳多彩,而內容及手法,無不與時俱進,一新讀者耳目;主持仙迪嘅活潑鬼馬已深入民心,最近加入嘅新主持「占美」,亦形象百變,佢諷刺時弊,詼諧逗趣、幽默抵死嘅演繹,贏盡掌聲笑聲!想減肥?冇難度!每日收睇「東網視頻」,話咁易就笑出7塊腹肌啦!仲唔快啲一掃右方嘅QR Code,盡享東網APP為你帶來嘅無敵「睇驗」新風格!