政情：公民講場：屯赤隧道 漠視區會意見 恐成炒車黑點

屯赤隧道尋日啟用，好多駕駛人士實地視察之後都發現諸多問題，譬如急彎、路牌唔夠清晰、龍富路迴旋處前嘅車速限制變化太急等等，都有機會造成交通意外。其實屯門區議會早已就屯赤隧道嘅興建進度及對新界西交通嘅影響作出建議，惟未被當局重視，喺隧道開通前不足半年運輸署先至同屯門區議會作首次討論，但已經冇充足時間作公眾參與及提出完善建議；而路政署更藉詞拒絕區議員喺啟用前實地視察。運輸署署長羅淑佩同路政署署長陳派明若果認真看待區議會嘅訴求，屯赤隧道相關路段咪可以避免潛在嘅意外風險囉。