政情：備戰考律師試 何君堯盼於內地執業
議員何君堯早前喺規管英國律師事務嘅律師管理局（SRA）紀律聆訊中勝訴，最後勝訴得以保住英國嘅註冊律師資格。本身喺香港同外國都有執業律師資格嘅何君堯，似乎想繼續擴大自己嘅事業版圖，近日密密上堂，希望可以通過考試喺內地做埋律師喎。
去年獲政法大學頒名譽博士學位
何君堯本來喺香港、新加坡同英格蘭及威爾斯都有執業律師資格，去年底佢更獲得中國政法大學頒發名譽博士學位，以表彰佢喺法律界嘅卓越貢獻及成就。
佢尋日喺社交平台發文，話自己一早起身做完運動就繼續上堂，學習民事訴訟法，不過佢已經上到最後一堂課。佢又話仲有一個月時間就要考試，目標係通過考試後喺內地做律師，咁就可以多一個地方執業咁話。