政情：被指拋低選民 滯英畢東尼籲港勿封關

促食衞局交解封準則

畢東尼話作為其中一個身處英國嘅港人，更加明白要返香港真係好難，包括要一早預約酒店房間作隔離，上機前要通過病毒檢測、抵港後更加要安排車輛前往酒店。畢東尼話原本安排喺今個月返香港，不過依家機票同酒店房間都一同被取消。

歐洲各國都採取類似措施，禁止英國航班抵達，但畢東尼認為香港對海外來港人士嘅防疫措施已經夠嚴謹，唔應該盲從歐洲嘅嚴厲封鎖咁話喎。畢東尼擔心港府要等到開始接種疫苗，先至為英國航班解封，佢話已經去信食物及衞生局，要求提供解封準則。睇嚟畢東尼都擔心唔知幾時先可以重回工作崗位，而要畀市民繼續狠批喇。