香港房屋委員會雖曾定下3年上樓嘅承諾，惟公屋落成量無法滿足日漸增加嘅住屋需求，以致輪候公屋嘅時間愈拖愈長，一般申請者平均要等5.6年先至有機會上樓。運輸及房屋局局長陳帆尋日就承認，要達到3年上樓呢個目標時間好長，但同時又話相信去到2026年，就會睇到相當可觀嘅改善喎。之不過數吓手指，6年之後陳帆都未必係局長喇，如果到時承諾落空，唔知又要搵邊個問責呢？陳帆唔好下巴輕輕喎！
