港大微生物學系講座教授袁國勇一直擔任港深醫院臨床微生物及感染控制科主管，但由於香港大學微生物學系10月出現離職潮，袁國勇需要更多時間留港工作，港大深圳醫院院長盧寵茂接受傳媒訪問時透露，袁國勇早前向佢辭任港深醫院嘅職位，並已經喺10月1日生效。
盧寵茂話喺7至8月時曾經數次嘗試挽留袁，但離職潮令袁好大壓力，加上深圳疫情已經受控，而袁都會繼續參與港深醫院部分項目。盧又盛讚袁為人認真，經常去港深醫院教學，無論微生物學系定院內感染控制都做得好好。
袁國勇尋日被問到相關事件嗰陣，承認已經喺9月辭任港深醫院相關職位，又話自己年紀都大，出年即將踏入65歲喇，喺香港已經做到「筋疲力盡」，冇辦法兼顧多方工作喇！