政情：料新冠唔會消失 沈祖堯：口罩有排戴

沈祖堯話控制疫情要有3方面配合，包括政府投放資源進行科學研究、因應科學研究制訂相宜政策，亦要加上市民配合，若果市民喺疫情下仍堅持外出聚會嘅話，疫情或者會好似歐美地區咁嚴重。

出年3月將赴星洲任職

講開又講，佢過多幾個月就要離開香港，事關佢出年3月會到新加坡南洋理工大學，接任醫學院院長同高級副校長，佢曾經講過去到當地，希望真係能夠建立香港同新加坡喺防疫上嘅合作關係。