政情：料新冠唔會消失 沈祖堯：口罩有排戴
本港新冠肺炎疫情反彈，中大前校長沈祖堯尋日喺一個論壇上表示，新冠病毒預料唔會消失，疫情或會持續多一段時間，又提到過往鼠疫同天花病毒至今未能完全控制到，呼籲大家唔好過分樂觀，仲話相信「口罩有排戴」添！
沈祖堯話控制疫情要有3方面配合，包括政府投放資源進行科學研究、因應科學研究制訂相宜政策，亦要加上市民配合，若果市民喺疫情下仍堅持外出聚會嘅話，疫情或者會好似歐美地區咁嚴重。
出年3月將赴星洲任職
講開又講，佢過多幾個月就要離開香港，事關佢出年3月會到新加坡南洋理工大學，接任醫學院院長同高級副校長，佢曾經講過去到當地，希望真係能夠建立香港同新加坡喺防疫上嘅合作關係。