- on.cc 東網主頁
- 4月1日 (二)
Christine坦言報名參加探訪團前考慮頗多，因為不熟悉戰地情況，且對當地安全感到不安，但最後仍下定決心參與，認為機會難得，並希望擴闊女兒的國際視野，「最緊要係我哋要知道個團究竟係做咩，絕對唔係去旅遊、去玩，喺考慮過程我哋已經好有得着。」
為期6日的義工探訪團中，Minnie和Christine雖然沒有親身參與人道救援工作，但探訪了當地最大的難民營扎塔里營地（Zaatari Camp），並參觀當地紅十字會為居民改善水質的水利工程、為敍利亞及約旦婦女提供職業技能訓練的職業訓練中心及協助難民尋找失散家人的尋人中心。在尋人中心裏，她們親眼見證一名難民，在成功致電因戰亂失散的哥哥後喜極而泣的情景，「開頭我哋都唔知發生咩事，因為語言不通，經職員了解後，先知佢好好彩搵得番哥哥，佢開心到大喊大叫。」
Christine又指初時以為語言不通是最大的問題，但到達約旦時，發現當地人很熱情，十分願意與他們溝通，即使語言不通，但仍會積極透過身體語言和表情去理解別人想表達的東西，「最開心就係佢哋可以感受到我哋真係好想關心佢哋，同埋畀一份支持佢哋。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
