政情：公民講場：競委會無牙老虎 點監察超市？

政府推出保就業計劃，早前點名攞咗資助嘅兩大超市要減價回贈市民，有政黨去過格價，認為超市有「先加後減」之嫌，仲建議政府畀資源競爭委員會，監察超市有冇合謀定價。話時話，好似調查油價加快減慢，由於法例無賦予競委會權力，就進行市場研究向商界索取資料，最後競委會被嘲係無牙老虎，若果競委會唔擴權，睇怕主席陳家殷都好難做，監察超市可能最後都係得個吉。