每逢夏天香港嘅蚊患就會特別嚴重，雖然食物環境衞生署負責於全港公眾地方及政府空置土地，執行各項滅蚊及防蚊工作，不過社會上有意見質疑食環署嘅工作成效。譬如放置誘蚊產卵器所覆蓋地點唔夠全面，搞到調查結果唔準確，而公布蚊患指數滯後，公眾無法掌握最新情況，加上近年登革熱個案更有上升趨勢，就連申訴專員趙慧賢亦都睇唔過眼，話要主動展開調查添啊！睇嚟食環署署長劉利群今次都走唔甩，要諗吓點拆彈喇！
