政情：楊志超分享創業秘訣

楊志超最近又有新嘅聚焦點，佢話想開一間唐樓酒店，等遊客體驗有香港特色嘅板間房風味，仲打算開餐廳，以街市照雞蛋嗰盞紅色膠燈作藍本，希望食客喺燈下開餐，夠晒特色。不過，佢提醒年輕人千祈唔好因為同老闆唔夾就貿然走去創業，事關依家有啲大公司會將成個部門交畀有能力嘅員工打理，情況同自己做生意無分別，但蝕就蝕公司，呢個如意算盤打得過。