圈中好友：震驚惋惜

【本報訊】藝人陳開心溘然離世，去年曾與她合作電影《緣來是遊戲》的無綫藝人馬國明，得悉事件大感惋惜：「尋晚剛剛返香港，今朝就收到個消息，聽完覺得真係估唔到。」有傳其父曾阻止她入行，更指她生前患有情緒病，馬明表示：「唔清楚，同佢合作覺得佢好活潑，都問我好多演戲嘅嘢，佢演戲好有熱情，覺得好可惜。」

電影人陳勳奇曾找張智霖及袁詠儀合作拍戲，間接促成他們拍拖，亦是二人的半個媒人，雖然Chilam身在福州，但他從電話中接受訪問時，都坦言非常關心陳勳奇的心情，希望他節哀順變。

至於曾與陳開心傳緋聞的男星李思捷收到消息後亦表示震驚，雖然兩人已大半年沒有見面，但仍保持友好關係。他形容對方是個很開心的人，不覺得她有情緒病：「佢平時有打拳、做gym，做好多運動，唔覺得佢有咩問題。

另一緋聞藝人黃又南直言：「記者打嚟我先知，聽到消息好震驚，無論點都係朋友一場，希望佢家人節哀順變，佢喺另一個世界活得開心、快樂。」