政情：騙徒扮受制裁官員呃錢 陳智遠想課金？
電話騙案經常都會發生，手段亦層出不窮，但尋日就竟然有騙徒把握美國制裁中港官員呢個機會，假扮政府高層官員，發訊息畀前食物及衞生局政治助理陳智遠（Paul），要求轉錢到指定戶口，對方跟住就會同美國講數喎。
事成後「升佢做助理」
Paul喺Facebook貼文，指該騙徒聲稱自己係被制裁官員，撳唔到錢，要Paul轉一萬銀港紙去一個戶口，等佢可以同美國人講數，仲話事成之後升佢做政助。但事實Paul已經做過政助，笑言作為前政助，真係心郁郁想課金畀佢。
貼文都吸引唔少網民回覆，有人讚Paul念舊，亦都有人認為唔吸引，話佢已經做過政助，仲叫Paul講吓價先啦，開玩笑咁話八千蚊做政務司司長咁話。