小宮有紗 一人戰隊單拖出動

可愛娃娃臉

相信大家小時候都睇過日本拍攝嘅戰隊劇集，例如《恐龍戰隊》等，內容多數都係由五人組成嘅正義戰隊出動對抗壞人，維護地球和平。而戰隊成員往往設定為四男一女，有個女仔負責緩和氣氛，亦可以為觀眾帶來視覺享受。點解突然會提到戰隊劇集呢？事關有好多寫真妹曾經拍過呢類劇集，今日同大家見面嘅小宮有紗就係其中之一。

今年26歲嘅小宮有紗生得一副五官標致又可愛嘅娃娃臉，天真萌味拍得住初出道時嘅安達祐實，但係有紗嘅身材相當吸睛，一來皮膚嫩白，二來身材高挑，三來上圍有一對C奶，若然可以做多啲運動，令分量十足嘅臀部變得上翹而挺拔就更加完美喇！

型到爆炸

有紗喺讀中學二年級時，有一日去涉谷逛街被星探發掘做演員，到2012年人氣突然爆升，原因係佢參演戰隊劇集《特命戰隊Go Busters》，飾演黃戰士宇佐見陽子。除咗拍劇，有紗亦作多方面發展，例如做聲優為動畫配音，亦憑住個人掌握節奏嘅天分擔任打碟DJ，當然，最為男觀眾注目嘅就梗係拍攝水着寫真，展露一副姣好嘅身段啦！

最近有紗繼續忙碌，而且再次積極投入寫真拍攝工作，早前就獲日本花花公子周刊《Weekly Playboy》邀請拍攝一輯戰隊系列寫真，由於計劃搵來眾多有份演出過戰隊劇集嘅靚女逐一拍攝，所以有紗演出時亦變身為一人戰隊單拖出動！為咗增加視覺效果，拍攝時仲有爆炸場面，令有紗嘅演出效果可謂型到爆炸，睇嚟又再可以引起戰隊迷嘅熱烈討論喇！

社交網站

最近小宮有紗除咗忙於拍攝寫真，亦以美少女組合Aqours成員身份四圍登場，想知道有紗近期又去到邊度表演，可以多啲留意佢嘅社交網。

網址：https://twitter.com/box_komiyaarisa

小宮有紗

年齡：26歲

身高：5呎4吋

三圍：33C-23-34

撰文：賢