政情：體演文化出版難兼顧 馬逢國倡劃出體育界

馬逢國曾經話自己唔太熟悉體育事宜，但正正知道自己嘅弱項，呢八年花最多時間去了解體育界，依家唔會再話自己唔熟悉呢個範疇喇。

斥議會拉布嘥唔少時間

立法會議員係一個非常唔容易嘅角色，要兼顧社會各方嘅矛盾同衝突。馬逢國話因為議會亂局，出現拉布同好多爭拗，嘥咗佢唔少時間，以致未能夠完全照顧業界所需。馬逢國講到離任之後，會由火線最前方退下，騰出時間選擇做啲自己鍾意嘅事。