政情：斥無視選舉不公 兩團體促馮驊下台
立法會換屆選舉將於九月初舉行，尋日先後有兩個團體到選舉管理委員會抗議，狠批選管會主席馮驊失職。其中一個團體嘅代表直斥馮驊唔照顧老弱所需，唔為佢哋設關愛座，即場高喊「馮驊漠視民意」、「縱容選舉暴力」及「無視選舉不公」等口號，要求佢下台。
另一個團體「公平選舉關注組」四名成員亦到選管會抗議，直指選管會職能係確保選舉公平、公正，但馮驊實有失職之嫌，並強烈要求馮驊下台。該團體嘅成員又自製貼上馮驊頭像嘅紙紮公仔，並在紙紮公仔身上貼上「魂魄唔齊」，仲拎咗一包炭出嚟，嘲笑馮驊當選管會主席職位「真歎」。
冇派人接收請願信
關注組原先準備咗一封請願信給馮驊，但係因疫情之下冇人接收，惟有將請願信貼喺牆上，仲將包炭放喺花槽邊，之後請願人士就離開嘞！