羅梓駿難忘1年前射爆曼城

港超聯仍未重開，但昨日傑志於社交網上載短片，回顧1年前「賽馬會傑志中心盃」，守衞羅梓駿在曼城身上取得其職業生涯的首個入球。對於這個意義重大的「士哥」，「羅梓」至今仍清楚記得當時的情景︰「當時其實本身都唔諗住上去進攻，但見到蘇沙拎住個波喺左路上前，我就諗都冇諗就上前入禁區博吓，睇吓有冇得執雞，好好彩個波送到我面前做最簡單嘅嘢。入完波個感覺，當時真係一片空白，亦都見到我唔知點慶祝，因為真係冇想像過自己可以對曼城入波，到依家都好深刻，睇番條片回憶番當時個感覺，都有少少毛管戙！」