政情：公民講場：社區疫情再爆發 陳肇始冇晒辦法

近日陸續出現確診個案，令香港多個月來阻截疫情嘅努力有付諸東流之虞。食物及衞生局局長陳肇始，都承認現時係社區爆發，但係對於有多名獲豁免檢疫嘅人士確診，陳就一味死撐話口岸措施唔算鬆懈，又無意立即收緊社交距離。其實早就有傳染病學專家指出，政府容許轉機返港人士毋須接受測試屬邊境檢疫措施嘅漏洞，況且社區一直有隱形傳播鏈，政府唔肯立即收緊社交距離，就算市民做足防疫措施，感染數字恐怕仍會上升。