疫情又再爆發，大專同中小學都有學生或家長中招，教育界就促請教育局考慮再停課。話時話，學校喺五月二十七日起分階段復課，最後係幼稚園K3至小三學生復課，前後加埋復課都唔夠個半月，又再爆疫嘞！依家係咪適宜畀班學生咁密集式上堂呢？睇嚟教育局局長楊潤雄都好頭痕，但疫情傳播好快，絕對唔可以再拖，若果佢優柔寡斷嘅話，搞到學校疫情大爆發，就好唔得掂嘞！
