政情：公民講場：就業計劃一場空 銀髮族難搵工

近年政府主張延遲退休年齡，又推行中高齡就業計劃，以期紓緩銀髮族嘅經濟壓力。不過勞工處尋日所舉行嘅招聘日，就有唔少年逾花甲嘅待業人士，幾個月嚟每日去勞工處搵工，至今都係得個吉，又有老友記質疑政府稱可以幫市民搵工及鼓勵長者工作，根本就做唔到嘢，直言心灰意冷咁話。其實銀髮族就業困難並非今日嘅事，儘管僱主可以向政府申領津貼，但過去嘅審計報告就顯示中高齡就業計劃成效不彰。看來勞工處處長陳嘉信喺協助銀髮族就業方面，講就天下無敵，做就有心無力咁囉。