雖然話人生如戲，每個人都係主角，但係一旦走入戲劇世界，又唔係咁講法，往往只得一小撮人可以坐上主角位，所以好多藝人為咗上位，都會露吓自身本錢，唔通一直做路人甲乙丙好咩！正如日本寫真女王奈月紗奈，幾經努力，終於可以做女主角，仲要係電影女主角添，實在可喜可賀！
日本寫真界嘅「最強Body」染谷有香喺近期好積極咁拍寫真，帶來大量極度性感嘅艷照，相信好多男士都被深深吸引！不過，有時睇寫真唔一定為咗谷起慾火嘅，就好似奈月紗奈嘅作品，大玩健康性感，視覺上唔會太過色情，十分養眼！現年23歲嘅紗奈，可以話係近期冒起得相當快嘅寫真妹，最大原因係阿妹有5呎7吋高，屬於日本寫真圈少見嘅長身女優！另外，阿妹嘅身材高得嚟又有線條，上圍有G Cup咁勁，彈手堅挺且質感天然，加上佢一向有做運動，令全身肉地結結實實，睇落更有美感！
奈月紗奈本來想做護士，以便有一份穩定收入嚟供養媽媽。讀高中嗰陣，紗奈被一本地區性雜誌邀請做模特兒，因而獲得參加「國際小姐2016日本地區大會」嘅契機，雖然未能夠喺選美中成功入圍，但就開始當上寫真女郎。為咗以最佳狀態示人，紗奈一直好積極修身，所以佢嘅寫真碟銷售經常搶佔排行榜第一位，仲喺上年舉辦嘅「年度寫真偶像2019」勇奪優秀獎，兼獲得「寫真女王」稱號。最近，紗奈又有好消息傳出，就係有機會擔任電影女主角！影片改編自漫畫《大きい女の子は好きですか？》，紗奈會同其他女仔一齊打排球，仲會有好多挑逗性演出，大家要密切留意啊！
奈月紗奈好熱衷喺社交網發布自己嘅工作同演出情報，仲會頻頻上載火辣寫真照，讓粉絲養一養眼。
網址：https://twitter.com/senap_official?lang=ja
年齡：23歲
身高：5呎7吋
三圍：34-23-34
撰文：賢