政情：公民講場：工時指引拖得就拖 陳嘉信賴得就賴

標準工時立法未做到，政府話搞十一個行業嘅工時指引，但拖咗一年多都未推出，勞工處解畫話受反修例事件同疫情影響，包括飲食、物流、零售等五個小組仍未就指引涵蓋範圍達共識，仲話疫情對經濟同各行業營運造成重大衝擊，都不利推進工時安排同制訂行業工時指引。勞工處處長陳嘉信呢個理由都好牽強，事關經濟有排都未復原，要推遲到幾時先傾？工時指引唔知又要拖幾耐，勞工界肯定唔會放過陳嘉信。