探射燈：消防規例屢與保安環境衝突
土瓜灣舊樓三級奪命火警後，如何平衡舊樓保安與消防安全指示的問題，引起居民深思。香港工程師學會消防分部發言人林振敏實地視察鳳儀街一幢舊樓後直指，由於該舊樓樓梯窗外環境較開揚，並非四面圍封的天井式設計，「用防火玻璃密封當然安全，但呢個位置唔一定要封實，居民怕焗可以同部門傾吓！」
擅改結構問題叢生
林提醒，樓宇的消防環境關乎人命，不可馬虎，以基本消防安全而言，天台水缸及梯間喉轆必不可少，「當然實際負重情況要搵專業工程師嚟計吓啦。」另方面，他坦言消防規定不時會與保安環境出現衝突，「例如舊樓唔閂門火燭啲煙好快就會『攻』過隔籬樓，要點樣既處理消防問題又兼顧到保安環境，就要諗吓辦法。」
林強調，其實最影響舊樓消防安全的始終是在於擅自更改樓宇用途及結構，「你跟番起樓嗰陣嘅標準同用法去用，一般就唔會有事，但係用途同結構一改，就隨時出問題！」