政情：民主派拉布成性 立會教材小組選唔到主席

建制鬧爆梁耀忠扯貓尾

建制派議員葉劉淑儀就話，民主派議員喺會上刻意拉布，將簡單問題複雜化，又話收到家長投訴學校教科書同作業內容偏頗，需要盡快解決。容海恩就批評，梁耀忠浪費時間傳召法律顧問，建制派希望可以盡快選出主席。張國鈞就提到教材編製係家長關心嘅議題，批評民主派議員唔單止喺內務委員會拉布，更蔓延至其他事務委員會，呼籲梁耀忠回頭是岸，唔好再同其他民主派議員扯貓尾。

梁耀忠就話自己只係詢問議員喺候選人提名時要唔要表達政綱，同埋接受其他議員質詢，又講到陳志全對法律觀點有疑問，認為會議無離題，重申佢都係按往常做法辦事喎。