外界狂轟食物環境衞生署滅鼠不力，話署方用傳統方法捉鼠唔掂，要求署方用新科技，咁署方尋日話下個月喺其中九區加裝熱能攝錄機監測老鼠出入情況、活躍程度同分布。但議員隨即批評話「監測到又點，市民關注嘅係點滅鼠喎！」其實用乜嘢新方法都好，滅鼠先最實際，畀班議員鬧完之後，唔知署長劉利群又打算推出乜嘢新方法呢？
