政情：暴疫打擊 五千青年去唔成內地交流

有議員希望政府可以將交流實習計劃嘅相關資助延期。民政事務局副秘書長李百全回應話，上一個財政年度原本預計有一萬八千個青年獲資助到內地交流，但其中有五千人因應社會事件同疫情而去唔成，當局會因應疫情發展作彈性處理。

政府派錢少 被轟小器

另外，前線抗疫人員一直希望政府發放辛勞津貼，但政府尋日喺會上表示，計劃為物業管理界包括清潔同保安人員，提供每月一千港元嘅抗疫辛勞津貼，為期四個月。有議員隨即「睇唔過眼」，批評政府太小器！議員仲話每幢大廈最多得六個名額嘅金額，一啲臨時工就會因此未能獲得津貼喇！