中環出更：陳健波斥泛民消費建制又食又拎

表面阻撥款 實際計好會通過

政府喺今次預算案中，提出向每位年滿十八歲嘅香港永久性居民大派一萬元，唔少市民都引頸以待。

不過，面對泛民會阻撓審議，仲預告會投反對票，唔少市民都擔心呢筆錢會凍過水。波哥就喺Fb上拍片，解釋泛民點解會唔怕市民反枱、堅持咁做，話係因為泛民知道建制派一定會支持預算案。建制派喺議會中佔了多數，所以預算案最終都係會獲得通過。

不過，波哥就批評泛民經常咁樣去消費建制派賺取政治本錢，猶如又食又拎。佢又話，其實每一年喺正式審議預算案時，都會先設立特別財委會，邀請各部門到會上充分解答議員問題。波哥批評泛民都未聽人解釋，就用立場行先並唔恰當喎。

卓妮