政情：應承咗做唔到 田二少打畀葉劉認錯

田二少近日曾就競選財委會副主席一事，爭取各個議員支持，其中包括葉劉，田二少話自己答應支持葉劉出任人事編制小組委員會主席作為交換，但由於自己多年來都冇加入該小組，助理今年亦冇幫佢報名，加上截止報名之時佢身在外地，到發現時已錯過時限，因為該小組今日就選主席，佢無法喺投票時支持葉劉。

田讚葉劉夠大方

田二少感到非常過意唔去，立即致電葉劉認衰，向對方道歉。佢話自從退黨後，甚少打電話畀葉劉，對方收到佢嘅來電亦好訝異。佢向葉劉慎重道歉，話自己「衰咗啦，應承咗嘅事做唔到」。佢指葉劉向佢話「咁無法子啦」，大讚葉劉表現大方，而呢件事亦令佢哋喺退黨後再次通電話。