政情：不滿撐醫護罷工 何顯明鬧區會新人「小朋友」

轟置病人於不顧

何顯明喺會上大鬧醫護冇按章工作，置病人於不顧，又話死咗人都唔知計落邊個度，仲形容成班新人係「小朋友」添！話聲一落，隨即惹起泛民不滿，區議員曾健超話「香港日日有人死、醫院日日有人過身」，唔可以將責任推落醫護度；李軒朗批評何「倚老賣老」；區議員郭天立就建議何開放屋企做隔離設施，用行動話畀大家知點樣支持政府。

醫護罷工未有結論，區內選址設連儂牆又起爭拗。何顯明話唔同意見人士去連儂牆貼嘢會畀人打，點知郭天立話「連儂牆不論藍黃」，仲話大家要免於恐懼表達自己嘅意見，何就即刻話「我驚畀人劏肚呀！」但何點驚都冇用呀，最後動議以十五票贊成、七票反對獲通過。