政情：郭家麒被指抹黑警隊 團體促罷免議席

鼓吹年輕人違法達義

廿多名「反黑金、反港獨關注組」成員手持寫上「譴責郭家麒散播謠言、屈警方囤積物資」嘅示威橫額，由金鐘海富中心遊行至政府總部東翼前地並舉行集會。佢哋批評郭惟恐天下不亂，多番抹黑警隊，包括誣衊警方喺反修例風波期間「打死人」，並於網上抹黑警隊喺疫情期間囤積口罩、貪生怕死。又批評郭喺佔中期間鼓吹「違法達義」，向年輕人播下仇恨種子。佢哋又批評其黨友、議員楊岳橋同為反中分子，亦予以強烈譴責。

團體準備咗請願信，並指已邀請郭家麒前來接收，惟郭最終未有到場。團體指信件將會郵寄及電郵至其辦事處，將副本送至其他議員。立法會秘書處則派代表接收團體致送畀梁君彥嘅信件，集會人士隨後和平散去。