內地爆發非洲豬瘟，供港活豬大受影響，市民要捱貴豬。眼見市民成日冇豬食，有報道就話業界最近去咗南韓嘅豬場考察，仲打算用船運方式將活豬由釜山進口添，依家兩地政府仲傾緊檢疫同埋運輸嘅安排，最快喺出年二月中市民就可以有南韓活豬食喇！南韓豬係咪救到香港？睇落好似好順利，但政府一向都歎慢板，唔該食物及衞生局局長陳肇始着緊啲，唔好再懶懶閒，否則市民同商販都唔會放過你！
