政情：陳梓維Fb被女友放閃 網友籲謹言慎行

陳梓維同女友耍花槍，網民提醒佢謹言慎行。（陳梓維Fb）

隔咗一陣急急腳澄清

原本張相就係陳梓維女朋友一個人嘅大頭獨照，仲要好可愛咁劃花咗個嘴仔，仲加埋文字公開多謝自己女朋友，晒恩愛大放閃光彈，但誰知隔咗一陣就唔見咗個貼文，取而代之嘅係「真」陳梓維急急腳出嚟澄清番件事，話係女朋友私下出貼文，佢完全不知情，稍後時間會逐一回應，懇請大家原諒咁話喎！

• 陳梓維

事件引起網民熱烈討論，唔少人留言話佢「花式放閃」，仲話「女朋友不錯」，叫佢好好珍惜。都有人叫佢要「努力學習，小心行事」，「身份唔同咗要小小時間適應」、有督促佢「專注區內工作」，甚至提醒佢「已經唔係一個普通人，要好好處理呢件事，如果再發生可能影響好大」，叫佢要學會成長，謹言慎行喇。