政情：黃藍醫生選戰 盧寵茂競逐醫委會敗陣

投票率創新高

外界指今次選舉係「黃藍醫生」對戰，因為競逐連任嘅何栢良等人均曾於反修例運動中發聲；相反盧寵茂同另一參選人香港皮膚科醫學院前院長陳衍里被指屬親建制醫生。今次投票結果懸殊，何等人得票大幅拋離其餘兩位參選人，均以超過五千幾票當選，盧陳分別只得一千五百九十七票同一千零八十八票。

何栢良話今次投票係醫委會有紀錄以來最高，過往十年只係得三千幾人投票，今次就有七千人，認為投票結果反映業界對當選人有好高期望，會希望當選人切實向外反映業界嘅意見。佢冇提到自己嘅參選政綱係乜，只話自己支持高透明度、可讓市民問責嘅政策方向。