女仔胸細其實唔使驚唔夠吸引力，將腰圍尺寸修到有咁幼得咁幼，令腰圍與胸圍差距收窄，睇落上圍都會顯得大啲，自然吸引到麻甩佬注意啦！不過，腰幼固然夠吸引，如果好似山吹涼咁腰幼胸又大，咁就最正喇！
師傅成日話，唔怕見到女仔肥，最怕就係見到肚腩大過胸，除咗係因為健康問題而搞到咁嘅身形，否則就顯得呢個女仔好食懶飛，娶佢做老婆唔單止食窮郎，老公仲要連家務都要負責埋！如果真係咁，山吹涼呢位寫真界身貴就唔止睇得過，仲娶得過喇！
山吹涼形象鮮明亮麗，雖然成日都將頭髮染成唔同顏色，予人反叛同野性感覺，但係後生女就都係咁，而且反映出涼妹希望喺大家心目中留下深刻、耀眼嘅印象。講到印象深刻，涼妹嘅頭髮顏色就一定唔夠佢嘅身材喇，除咗擁有分量十足嘅F Cup美巨乳，條水蛇腰幼得出奇，只有19吋，比起以腰幼聞名嘅佐野雛子嘅21吋腰仲要幼多2吋，厲害！
山吹涼呢條19吋蛇腰，喺寫真界被稱為「奇迹之纖腰」及「神奇之纖腰」，今年開始拍寫真，喺10月時推出首部寫真映像作品《R-style》。有睇過又對涼妹認識唔夠深嘅朋友可能會覺得奇怪，點解佢成日都攬住個結他嚟影相？理由好簡單，因為涼妹係女子樂隊「el-friede」嘅結他手，對於玩音樂相當有才華。
除此之外，山吹涼仲有一個職業，就係Cosplayer喇！喺好多動漫活動以及攝影會中，都可以見到涼妹以不同動漫角色扮相登場，而且扮乜都好，佢都唔會忘記帶住自己最愛嘅結他，睇嚟涼妹真係好鍾意彈結他喎！
簡介：山吹涼成日都會將自己喺攝影會拍下嘅性感照片上載到社交網，另外亦會同大家分享結他彈奏樂曲嘅影片，大家不妨Click上去感受一下涼妹嘅造詣。
網址：https://twitter.com/ry01204?lang=ja
撰文：賢