攻情：受兩個仔感染 楊德強做埋利迷
體育專員楊德強精通唔少體育項目，佢自言一家人假期最鍾意遊覽唔同球場、睇波同體育項目，似乎成家人都離唔開體育，但佢就話自己都有受家人影響，睇嚟一家人關係好密切喇！
兒子小四已凌晨爬起身睇波
楊德強透露，自己係英超球隊利物浦死忠，但以前只鍾意睇波未有捧任何球隊，反而兩個仔都鍾意利物浦，其中一個更係神奇隊長謝拉特嘅球迷，小學四年級已經凌晨爬起身睇波，所以自然受感染而齊齊做「利迷」，依家自己都不時睇夜波，果然夠晒忠實。
另外，凝動香港體育基金創辦人黃梓謙（Gary）同楊德強喺工作上有合作，而更有淵源嘅係，楊嘅大仔曾經喺基金中做實習，但佢直至實習最後一日先自爆身份。Gary笑話，覺得佢哋兩父子唔似樣，但運動細胞就一定有遺傳到。