政情：江旻憓勉勵學生哥 有得比賽已算成功
正值各校陸運會舉行的季節，唔同界別嘅知名人士應邀出席各校活動，而香港女子劍擊代表江旻憓就應明愛胡振中中學嘅邀請，日前喺小西灣運動場做該校陸運會嘅主禮嘉賓，佢喺閉幕禮時致詞，以自身經歷勉勵同學追尋夢想，唔好追求成敗得失，要珍惜每個比賽嘅機會。
江旻憓亦喺活動中頒發咗全場總冠軍同男女子全場總冠軍。佢喺致詞時話運動員唔應該以獎定義成敗得失，失敗乃成功之母，即使喺比賽中落敗都唔好氣餒，因為擁有比賽嘅機會已經係成功嘅起點。據悉，由於佢早前身體受傷，暫時仍在休息。
該校嘅老師鄺葉宜就話，同學們都覺得好榮幸可以見到江旻憓，聽完佢嘅致詞之後有好多得着，仲爭相同佢合照添！