大久保櫻子陽光女戰士

相信大家喺小時候都曾經沉迷過追看日本嘅乜乜戰隊系列,除咗熱血嘅戰鬥場面,更會特別留意當中嘅粉紅色女戰士。近期喺寫真界異軍突起嘅大久保櫻子就曾經擔演過綠戰士角色,但係其吸引力絕對勝過眾多粉紅戰士呀!

溫文脫俗

臨近年尾,好多行業都要作業績統計,計吓喺過去一年嘅業績好唔好,以便為來年作出規劃。對於大久保櫻子嚟講,相信佢喺來年一定會計劃再次推出寫真集,因為今年佢推出嘅首本水着寫真集《SAKURAKO》銷量成績極之理想,更要加印應市,出年唔再下一城又點得呀!至於點解本寫真集咁好賣?梗係因為櫻子吸引力爆燈啦!

今年21歲嘅大久保櫻子樣子精靈可愛,同時又散發出一份溫文儒雅嘅鄰家女孩Feel,兩種氣質加埋更產生出一股脫俗靈氣,而且展露笑容時,充滿陽光氣息,令人精神為之一振。櫻子嘅身材同樣出眾,肌膚鮮嫩白裏透紅,而且凹凸有致,上圍對脹卜卜嘅G奶令人大感震撼!

戰士復仇

2017年保櫻子讀緊大學,同時亦展開演藝事業,而佢廣受觀眾認識嘅角色,就一定係喺特攝電視劇集《宇宙戰隊九連者》扮演嘅女戰士蝘蜓綠喇!今年櫻子推出首本個人寫真集《SAKURAKO》順勢進軍寫真界,由於佢嘅身材同美貌都出眾,加上演出過戰隊成員呢個賣點,因而人氣勁升!

不過,櫻子表示鍾意拍劇多過拍寫真,好似最近拍攝嘅網絡電影《BLACKFOX:Age of the Ninja》咁,佢就話拍攝過程相當愉快,仲話未來嘅目標係衝出日本,希望能夠參演大熱嘅《復仇者》電影系列,大家唔使擔心櫻子應付唔嚟,因為佢有扮演過戰隊成員嘅底子,二來佢嘅英文水平相當高,完全唔怕講英文,認真叻女!

社交網站

簡介:大久保櫻子自從進軍寫真界之後,備受各大雜誌歡迎,爭相邀請佢拍攝水着寫真,如果大家想知道最近櫻子同邊間雜誌合作以及拍攝花絮,就要多留意佢嘅社交網喇!

網址:https://twitter.com/sakurako_offi

大久保櫻子Profile

年齡:21歲

身高:5呎

三圍:35G-24-34

撰文:賢