政情：被封港版綾瀨遙 梁凱晴：高攀唔起
唔少政治素人喺今屆區議會選舉勝出，其中喺觀塘月華選區當選嘅觀塘願景梁凱晴，曾經因為樣貌同日本女星綾瀨遙相似而被封「港版綾瀨遙」。問到點睇呢個稱號時，佢就話高攀唔起，仲希望大家注重番區務工作添！
梁凱晴話自己只係一個好普通嘅女仔，可能因為喺香港比較少女性從政，所以會惹來好大回響，畀人一種耳目一新嘅感覺，仲話覺得外表嘅嘢係各花入各眼添！佢喺選舉前夕曾經遇襲，佢都希望嚟緊會有時間學番啲武術裝備自己同鍛煉吓體質。
劉聖雪雖敗選 盼繼續服務康山
至於喺選舉中落敗嘅新民黨社區主任劉聖雪，就話嚟緊會喺議會外以在野身份監察，而自己一直喺康山選區長大同埋居住，首選希望繼續喺康山服務，但暫時就未諗會唔會參與立法會選舉喇！