政情：公民講場：錯判形勢 廢官無腦 楊潤雄終墮圈套

反修例嘅風波繼續燃燒，一連三日各處出現激烈衝突同堵塞主要道路同交通工具，但政府唔肯停課，話唔可以畀人覺得香港停頓咗，以免墮入圈套，到咗尋日朝早，教育局局長楊潤雄仲死撐，話唔停課係因各區交通狀況唔同，唔可以同颱風相提並論，點知下晝就跪低，宣布今日全面停課，咁即係楊潤雄墮入圈套囉！老實講，各處堵路，冇巴士同鐵路，就算班學生返到學，啲家長都擔心佢哋嘅安全，根本政府錯判形勢，無能政府，全部都係無腦高官。