政情：今日你上鏡：黃梓謙着住西裝玩戰繩

為咗健康啲又好，想體形變得更靚又好，好多人都會去Keep fit，之但係兒童事務委員會成員黃梓謙（Gary，左一），做乜走去消脂呢？

Gary本身打開籃球，身形都算Fit，但係佢日前喺社交網上載咗張相，係玩戰繩嘅，仲貼文話「玩幾下就知道戰繩消脂計劃嘅重要」，仲話多運動抗衰老喎。話時話，戰繩結合爆發力、肌耐力同心肺耐力，需要核心大量支撐，幾乎全身肌群都參與；動用到嘅肌肉愈多，消耗嘅熱量就愈多o架！

其實，佢身兼戴麟趾爵士康樂基金委員會嘅成員，當日係公職訪問，咁啱見到戰繩咪試玩吓囉！否則邊有人好似佢咁，着住套老西做運動吖！

（互聯網）