法庭：第三被告稱遭警利誘威逼招認
【本報訊】荃灣工廈石棺藏屍案昨在高院續審，拘捕第三被告張善恒的偵緝警長蔡國基接受辯方盤問。辯方指，張善恒由台灣返港後隨即被捕，他受到警員威逼利誘及毆打，警員不准他見律師及母親，並誘導他與警方合作，以換取轉做污點證人，警員亦說過「每單案得一個污點證人，你合作嘅話坐幾年監，之後大把世界」、「會面時你唔否認嘅話，可能有奇迹出現，誤殺嚟講坐十年就可以重獲自由」之類說話，最終張在錄影會面中作出了招認。
張善恒的律師昨指，張在香港機場被捕當日，蔡國基帶張到機場警署，向張稱：「你係咪咁傻仔？到依家仲保住佢兩個（另兩被告）？究竟邊個向死者打針？係咪打咗四、五次？口靚仔，我做得你阿爸，你諗清楚先至答。」
指探員毆打 禁見律師及母親
後有警員向張稱：「聽講你好打得，我之前做特警嘅，想唔想同我打？」張聞言搖頭並要求見律師，但該名探員揮拳打張的前臂。之後再有警員對張說：「你諗清楚啦，得警方先幫到你，你可以同阿媽講唔要律師，請律師要使好多錢，係你咁戇居先群埋另外兩名被告，隔籬房嗰位金毛（首被告）仲喺度吹噓緊自己幾有錢，點樣享受生活，你諗吓自己將來啦，你仲有將來口架」。雖然張的母親已帶同律師到警署，但張無奈放棄見律師。
蔡對辯方所指一概否認，重申他及同袍都沒以毆打、威嚇、利誘或施壓手段，令張在警誡下招供。
案件編號：HCCC 459/2016