政情：唔怕示威影響 王槐裕準備慈善跑
香港每逢入秋，就踏入體育活動嘅旺季。慈善組織小母牛亦將於下個月中旬，喺沙田科學園舉辦慈善跑。香港工商總會沙田分會首席會長王槐裕亦同往年一樣，將會聯同太太及家中兩位小朋友，一齊參加小母牛嘅三公里家庭組愛心跑。
多啲行走練心肺
不過近來陸續有籌備經年嘅比賽活動，因主辦機構憂慮局勢嘅發展而另擇日子，或索性宣布取消。咁王槐裕又會唔會擔心下個月嘅慈善跑能唔能夠如期舉行呢？佢就話唔會，因為賽事地點遠離經常發生示威活動嘅地區，況且示威人士亦無必要去騷擾具慈善性質嘅賽事。
佢仲話為咗迎接賽事，近嚟一有空閒都會多啲行走以增強心肺功能，而家中兩位小朋友成日都跑跑跳跳無時停，根本唔使鍛煉都可以應付當日嘅賽事。