政情：公民講場：港資金流向星洲 陳茂波點挽救

反修例嘅激烈衝突持續咗四個月，香港經濟受到重創，尋日有調查報告話香港嘅競爭力排名又輸畀新加坡，而另一項調查更指香港嘅資金正在流走，而且有迹象資金係流向新加坡，衝突持續落去，有可能波及聯繫匯率。老實講，新加坡一向視香港係競爭對手，而財政司司長陳茂波（波叔）都講過經濟會下滑，再加埋資金撤走嘅話，可謂雪上加霜，波叔唔好淨係識得口噏噏叫停止暴力行為，快啲諗吓乜嘢實際嘅措施去保經濟，否則香港真係好快玩完。