政情：鄺祖盛升呢 做消委會副主席

消委會主席喺今年初才轉咗人，因為前主席黃玉山做咗足足六年，受不成文嘅「六六規定」所限，即唔可以出任某公職超過六年或同時擔任超過六項公職，所以政府委任咗現任主席林定國，而林定國上任約十個月後就要換拍檔喇。

陳家殷明日離任

政府尋日宣布，副主席陳家殷會喺明日完成任期離任，副主席一職就由去年一月先加入消委會嘅鄺祖盛頂上，而鄺本身就消委會商營手法研究及消費者投訴審查小組主席，相信佢做副主席都好在行喇。

另外，鄺祖盛同時身為香港吸煙與健康委員會主席，而且唔止一次獲任命做主席，對公職真係唔陌生，唔知係咪因而獲政府青睞，可以喺消委會中迅速上位呢？