一般要考有學位或專業程度嘅公務員職位，首先就要通過綜合招聘考試及基本法測試，而呢個考試喺香港一年會搞兩次，每次都吸引好多人報名。不過，政府尋日傍晚公布，因應公眾活動而要改期，確保考生同相關員工安全，受影響考生會獲短訊或電郵通知。
鐵飯碗亦令人卻步
然而，宣布停考前網上都有人討論好唔好放棄考試，聲稱唔想出賣香港，更有人討論考生須知，發現容許佩戴口罩應考，諗住測試一下今日生效嘅禁蒙面法，睇嚟政府自行跪低取消都唔係壞事，起碼少個地方立立亂。不過同時亦反映，一向令人心動嘅公務員行列開始令人卻步，政府想吸納新血似乎都唔易。